Да Вечнага Агню ў нашым абласным цэнтры сёння леглі вянкі і кветкі ад губернатараў Гомельскай вобласці і Прыморскага краю.

Гэта адна з першых кропак у маршруце дэлегацыі з Расіі: госці ўпэўнены, што без памяці аб нашай агульнай гісторыі ў дзяржаў не можа быць будучыні.

У гады Вялікай Айчыннай вайны тысячы прыморцаў сышлі на фронт і доблесна ваявалі за сваю краіну. Мясцовае насельніцтва працавала на забеспячэнне арміі, жанчыны і падлеткі замянілі мужчын, якія пайшлі на вайну. Маракі гандлёвага флоту ва ўмовах, набліжаных да баявых, ажыццяўлялі перавозку грузаў, неабходных фронту, і ахоўвалі водныя межы СССР.